A wee poem

[Suki1312]

Seen this on another forum , Thought it was on the money 

A wee fishing poem found in a local news paper from April 1938.
Written by James D Davidson from Douglas water

The fishin season here again,
Tam Bounce wis high glee;
Tam claimed tae be a great expert
Wi "minnin," "worm," and "flee."
His bocht Tam a new rig-oot:
A line, a rod and reel,
New waders, boots and landin net-
Tam wis a costly chiel.
New tackle and new basket, tae,
For mair Tam coulna wish;
He swaggered tae his wife he'd hae
Nae mercy on the fish.
His wife warned Tam, "twas faur too caul'.
"Na, na" said Tam, "nae fear;
Forby the troots are easy catched
At this time o year"
Tae hear Tam spin his fishin' tales
it is a prefect scream,
The hauls o' troots that he has taen
from oot the ripplin' stream.
Hooever, this particular day
Things disna jist pan oot:
For thou' Tam fished the whole day long,
He never catched a troot.
He tried the "minnin," tried the "worm,"
And then he tried the "flee,"
Until at last he got fed up
And swore they couldnae see.
His patience had been sorely tried;
Alas ! it was no excuse;
He thocht the next best he could dae
Wis furnish an ecuse.
He bundled up and made hame,
A disappointed man:
he poured his wrath oot on the troots
As only fishers can.
And then, on his arrival hame.
He said tae his guidwife,
"Weel, Jean that's jist the worst day
I hae fished in my life.
Ma minnins they were raither big,
Ma worms jist raither wee,
Ma flees were tied wi colours wrang,
Ma plans gaed a agee.
and you were richt, 'twas faur too col'.
The watter faur too black;
But, Jean I'll swear they'll pay for this
The next day I gang back."
"Ache aye," said Jean, "tis naething new,
I've heard yer tales afore;
Get aff yer fishin gear, and leave them
Oot a-hin the door.
Then tak yer tea, and say nae mair,
And gle's a wink O' peace
The mair ye sit there and tell yer lies,;
The mair ye sins increase
Wi' a' yer new rigoot, ma man,
I ken ye got yer wish;
But jist be honest, tell the truth,
And say ye canna fish."

[Inchlaggan]

Nice one.

[Bobfly]

Best not let the misses see that one !!

[scoobyscott]

Lol somethings never change